Boërebroëlef gezelsjap Belvend


Logo Boërebroëlof   

 

 

'T Boërebroëlef gezelsjap besjteit oët ongeviër 72 persoëne, en is sinds 1985 ein ôngerdeil van vastelaovend vereiniging "CV de Belhamels" wao de broëlefsleeje ouch lid van ziën. Idder jaor wuërt oët de Belvendse gemeinsjap ein Broëdspaar gekaoze. Tiëdes 't sjpruütjesmatinee wuërt 't nieje broëdspaar en heur getuüge veurgesjteld aan de Belvendse vastelaovesvierders.

Sinds ein aantal jaor wuërt ôs boerebroëdspaar op vastelaoveszaoterdig, tiedens 't Groet Belvends Binnebal, in de onech verbonge. Op vastelaoves dinsdig is de recepsie öm 't broëdspaar en eur getuüge te komme felicitere.

 Idder jaor kriege alle leeje oët 't gezelsjap ein niëje rol. Dees rol vertolke zeej tiëdes alle aktiviteite waor 't boëregezelsjap beej betrokke is. Ouch kent 't gezelsjap ein paar vaste rolle zoëals de Hoësmeister, Börgemeister, Ceremoniemeister en de Veldwachters.

 

De Hölter Brök haet ôs 25 jaor lang ongersjeund als Boërekapel, vanaaf 't seizoen 2011 – 2012 hebbe weej gen vaste kapel miër en laote weej ôs door diverse kapelle mezikaal ôngersjteune. 'T jaorlikse prôgramma van de boërebroëlef lupt van 't oëtkômme van 't paar toët en met aswoënsdig. De Boërebroëlefsleeje gaon gekleijd in kleijer die passe beej eur rol. Ouch haet de boërebroëlef heur eige logo. De kleure in 't logo, zien: blauw, gael en sjwart. Det ziën de kleure oët de Belvendse vlag.

    

 

                                                            

Facebook  YouTube   Twitter