Ut Boërebroëlef gezelsjap besjteit oët 83 persoëne, en is sinds 1985 ein ôngerdeil van vastelaovend vereiniging "CV de Belhamels" wao de broëlefsleeje auch lid van ziën. Idder jaor wuurt oët de Belvendse gemeinsjap ein Broëdspaar gekaoze. Tiëdes ut sjpruutjesmatinee wuurt ut nieje paar veurgesjteld in de Hamarsjtal. Vanaaf dae daag waere zeej vergezeld door getuuge. Op vastelaoves zaoterdig wuurt ut Boërepaar in d'n onech verbônge en op de dinsdaag vingk de receptie plaats. Alle aktiviteite vinge in de Hamarsjtal plaats. Alle leeje höbbe ein rol die zeej det jaor tiëdes de vastelaovend vertolke.

As Hoëskapel vungeerd blaoskapel de "Hölter Brök", die zelluf as iërste de boërebroëlef in Belvend organiseerde. Det waas in 1978 en toën nog neet ônger de vlag van de Belhamels. Toen d'r gen vereiniginge mier waare die de broëlef wilde organisere is der ein vaste kemmissie gekômme die sinds 1985 de broëlef organiseert. Ut programma lupt van ut oëtkômme van 't paar toët en met aswoënsdig. De Boërebroelef leeje gaon gekleijd in kleijer die passe beej eur rol. De kleure in ut logo, zien: blauw, gael en sjwart. Det ziën de kleure oët de Belvendse vlag.

Jubileumgezelsjap 2x11 jaor, oët 2006