Boerebroëdspaar 2018

 

34 ste Broëdspaar van de Boerebroëlef in Belvend.

 

2018 bb 562x375

 

Ron en Anita van Cleef Broëdspaar Boerebroëlef

 

C.V. De Belhamels

 

Op zôndig 21 jannewari is in eine opniej aangekleide en gezellig gevulde Hamarsjtal ôs 34ste  Boërebroëdspaar oëtgeroope.

 

Dit jaor zien Ron en Anita van Cleef, baeter bekend as d’n appeleboer en zien vrouw, door de boëresjeurdeure te veursjiën gekômme.  Al jaore waere ze geneumd en nôw waas ‘t den éch zoë wiët. Ze gaon deze vastelaovend laeve en belaeve met eur getuuge Robert en Dorethé Joosten.

 

Saame gaon zeej ôs boërekér trekke. 

 

Ron en Anita hebbe ein eige bedriëf wao zeej auch woëne en aan de rank van Belvend zeet geej hiel get appele- en körsebuim van eur sjtoan. Dees waere met zörg geteeld. En die appele en körse zien, met nag vuël miër fruit, greunte en lekkers auch te kaup in eure winkel aan hoës.

 

Elk jaor organisere ze met vuël plezeer de appelplökdaag, wao vuël dörpse en boëtedörpse minse op aaf kômme.

 

Saame met eur twië dochters Ania en Cyrella woëne ze hiel gaer dao in ‘t Brook. 

 

Anita werk daobeej auch nag in Tegele beej cultureel centrum de Haandert. Heej zörg ‘t vur de administrasie

 

Ron en Anita zien vastelaovesvierders in hert en neere. Ze hebbe in beginsel saame met vriende aan d’n optoch meigedaon maar de letste jaore zuus se Ron as faatse meijlaupe. 

 

Met eure huidige vriendegroep, “Krangsum” zien zeej neet weg te dinke oët ôzze vastelaovend

 

Natuurlijk hebbe ze auch hobby’s en gaon ze gaer op vekansie nao Süd-Tirol. Paerdrieje is iets wat Ron hiel gaer duit. 

 

Eur getuuge Robert en Dorethé kenne ze al zoë lang en zoë-as in eur eige waört: “weej heuve ôs maar aan te kiëke en  kenne den laeze en sjriëve”.

 

Op vastelaoves zaoterdig waere Ron en Anita tiëdens ‘t groët Belvends binnebal um 11 euver 5 in den ônech verbônge tiëdes ôs boëre-trouwerie in ôs eige Julianahoeve. 

 

Idderein is uiteraard van herte welkom um dit fiës beej te woëne.

 

Op vastelaoves dinsdig is d’r de gelaegenheid um Ron, Anita, Robert en Dorethé te felisitere tiëdes de Boërereseptie

 

Dit jaor is det vruuger den anger jaore en is de resepsie van 16.30 toet 18.30 oor.

 

Dees resepsie haaje ze saame met ’t Jeugboërebroëdspaar Meike en Tren.

 

 

Facebook  YouTube   Twitter