Jeugboerebroëdspaar 2018

 

5 de Jeugboerebroëdspaar van de Boërebroëlef in Belvend.

 

 2018 jbb 562x375

 

Tren Knoben en Meike Verbong, 5e Jeugbroëdspaar van Boerebroëlef

C.V. De Belhamels.

 

Tren Knoben, aadste (bonus) zoon van Roy van Pieter Goossens van Jac Goossens en Ciel van Lier van de Hego en van ut Sigarette winkelke aan de kerk en van Liesbeth Simons van Wiel Simons en Thea Cuypers oët Geloë en van Ilona, dochter van Wilhelm Sahr van Wilhelm Sahr en Amanda Krahe van de sjoonmaker oët Düsseldorf en Thea Nooijen van Jac Nooijen en Mia Peulen van de Vogelebuurt van de Hei oët Tegele.

 

en

 

Meike, jôngste dochter van Hans, van Hans Verbong van de Baoleberg van Sjraerke Sigaerke van de krant en van Riek Vallen van de gerdeneer oët ut Ubroek en van Yvonne van de Roeije van Camps oët ut Törversriëk in Venlo van Nellie van Johanna Munten van ut Gelreplein.

 

Tren en Meike laupe dit Vastelaovesseizoen veurop in de jeugboërebroëlef as 't viefde jeugboërebroëdspaar van de Belhamels.

 

Tren is 1 x 11 jaor. Hae woënt same met zien mooder Ilona, papa Roy ,zien breurke Matz en de honk Mexx op de Nassausjtraot in Belvend. Met regelmaot is hae ouch te vinge in Montfort beej papa Harrold, jao det is d’r eine van La Bamba.

In ziene vreeje tiëd is hae vuul op ‘t voetbalveld wao hae beej VV Belfeldia in de D1 sjpeult. Ouch is hae gaer boete met zien kammeräöj en gamed hae gaer op de Playstation. Tren zit in groep 8 van BS Kom.mijn beej meneer Robert en Juffrouw Lieke.

 

Meike is 1 x12 jaor. Zeej woënt same met pap Hans, mam Yvonne, zus Kiki en de honk Bella op de Prinses Christinasjtraot in Belvend

Meike zit in groep 8 van basissjoël Kommijn beej meneer Luuk.

Zien hobbies zien badmintonnne, zjwumme, sjoppe, films kiëke, leuke dinge doon met zien vriendinne en netuurlik vastelaovend viere.

 

Vastelaovend viere is beej allebei met de paplaepel ingegaeve. Zeej kômme allebei oët ein echte vastelaoves femielie.

  

 

Facebook  YouTube   Twitter