1. Dit regelement is van toepassing op alle besjtaonde en toekomstige leeje van de

    Boërebroëlef in Belvend.

2. Veur alles telt det weej veural in gooje harmonie vuul lol en plezeer make.

3. In dit reglement waere aafsjpraoke vasgelag die betrekking hebbe op ut gedraag van 

    de leeje, kleierveursjrifte en deilnimming aan aktiviteite beej de Boërebroëlef.

4. De Boërebroëlef wuürt beej de Belhamels vertaegewoordig door de Boërekemmissie.

    Dees Boërekemmissie wuürt veurgezaete door de hoësmeister.

5. De hoësmeister wuürt op veurdrach van de kemmissie benûmp.

6. Oët de Boërekemmissie wuürt de keuzekemmissie gevormp. Heej hebbe de Hoësmeister

    en de Kleidster zitting in, aangevuld met nog ein anger lid oét de kemmissie. Dees kemmissie 

    zörg idder jaor veur ein sjoën Boërebroëdspaar met ein good sjtel Getuuge.

7. Idder lid betaalt jaorliks ein eige beejdrage in de algemeine koste tiêdes de vastelaovend.

    Dees beejdrage wuürt idder jaor opniej vasgesjteld en zal tiêdes ut interne oëtkômme

    betaald waere.

8. Idder lid van de Boërebroëlef gedruüg zich tiedes de vastelaovend zoé-as van ein echte

    boer of boerin verwach meug waere. Heejbeej wuürt in ach genaome dat gedraginge en

    uütinge van de leeje de Boërebroëlef neet in diskrediet bringe.

9. Van de leeje wuürt verwach dat zeej aanwezig zien op de offisiële boëre-aktiviteite zoé-as

    dees in het programma-euverzich waere vermeld:

           a.   Prinsematinee (oêtkômme van de Belhamelprins)

           b.   Sjpruutjesmatinee (oêtkômme van ut Boërebroëdspaar)

           c.   Prinse(sse)verkeezing KOW

           d.   Resepsie KOW prins of prinses

           e.   Vastelaovesmis met aansjloëtend de brunch en resepsie (Jeugcarnaval en Belhamels)

           f.   Sjleuteleuverdrach met aansjloëtend ut (nieje) fiês.

           g.   Trouwerie, Boëre-resepsie en ‘t Klumpkesbal op vastelaovesdinsdig

10. De Boërebroëlef kent sjtrikte kleidingveursjrifte waoraan idder lid zich te haaje haet:

           a.   Boerinne

                      • De boerinne drage beej veurkeur ein langk kleid of rok, euverwaegend

                         in de kleur zwart, gekombineerd met griês of wit;

                      • In ach deent te waere genaome det de rok tenminste toet euver de kneen kûmp

                         (we wille gen knikkende kneen zeen) en de mouwe toët euver de ellebeûg;

                      • Alle boerinne hebbe op de kop ein toêr (oftewaal ein witte boëre-kap) .

         b.   Boere

                      • De boere drage eine lange boëre-bôks, euverwaegend in de kleure

                         zwart en/ of griës;

                      • Dao baove ein sjpierwit hémp;

                      • Op de bôks wuürt ein waemeske gedrage met beejpassende plastron;

                      • Dao euverhaer eine boërejas of frak;

                      • Oppe kop wuürt ein platte boërepet gedrage in de kleur zwart;

                      • Aan de veût waere zwarte sjoön of boëreklûmp gedrage.

11. Veur ingkele rolle wuürt ein oêtzôngering gemaak veur ut zich haaje aan de kleidingveursjfrifte.

           a.   Ceremoniemeister

           b.   Börgemeister

           c.   Veldwachters

           d.   Nader te beneume rolle door de kemmissie. Dees waere idder jaor euverniej bepaold

                 en bekend gemaak tiëdes de rolverdeiling (maak ein boer of boerin heej gebroëk

                van, den deent dit ten alle tiëje in euverleg met de Kleidster te gebeure);

12. Ôzze Boere-broëdegom en mannelikke Getuüge hebbe tiëdens de vastelaovend eine

      boëresepter of eine klomp in de häng. Deese wuürt de ganse vastelaovend neet oet

      häng gegeave aan wae den auch. Ôs eige veldwachters zulle heej sjtreng op toezeën.

13. Beej offisiële gelaegenhede drage alle leeje (behalve de veldwachters) ein corsage

           a.   Dees corsage wuürt altiëd aan de linkerkank gedraage

           b.   De boerinne met ut sjtengelke nao baove

           c.   Beej de boere hingk ut sjtengelke nao ônger

14. Tiëdes de vastelaovend haaje weej ôs strik aan de kleierveursjrifte; weej haaje de pet op,

      kleier aan en de kap op de kop. Oêtzôngering heej op: in de kerk tiedes de vastelaovesmis

      sjtaeke de boëre de pet in de tes.

15. Van alle leeje wuürt verwacht det zeej tiedes de vastelaovend op gezatte tiëje de heng

      oêt de mouwe staeke en in de diverse hulpgroepe met helpe.

           a.   Iddere werkgroep haet ein vas aansjpraekpunt vanoêt de kemmissie;

           b.   Wae in welke werkgroep zit, kent geej naokiêke in het programmabook.

16. Tiëdes de vastelaovend volge weej zônger te treuzele de aanwiézinge van de

      veldwachters op. As zeej op die fluit blaoze, den kômme weej in bewaeging.

      Neet richting de toog, maar in de richting die de veldwachters aangaeve.

17. In alles waorin deeze sjtalorders neët veurzeén, of beej onduudelikheeje, besjlis

     de Boërekemmissie.

Belvend, november 2011.

De Boërekemmissie.