De Meziekkemmissie van CV de Belhamels ken de mouwen opsjtruipe.
Mer leefst 16 sjlagers zien op 1 augustus jl. ingesjtuurd met nag ens 5 liedjes die aan ut Jeug Liedjes Konkoers meijdoon.

Op dit moment waere de ingeleverde tekste op Belvends dialect gecontroleerd en eventueel gecorrigeerd. 
Auch wuërdt gekeke of de tekste origineel zien en neet al ens ierder zien ingesjtuurd en/of elders al eine kier gejureerd zien.

Ut wuërdt zondig 2 oktoeber 2011, tiedes ut 2e Liedjes Matinee det door CV de Belhamels wuërdt georganiseerd, ein hiele opgave um alles gladjes te laote verlaope.
De vakjury zal in elk geval de heng vol hebben um alle inzendinge te beoordeile.  

Ut 2e Belhamel Liedjes Matinee vingk dit jaor plaats in de podiumzaal van de firma EJA-International, gelaege aan de Witveldweg, om reden det de vertrouwde oude Hamar binnenkort gesjloopt wuërdt en dus nao ein alternatieve lokatie gezoch môs waere.
Mier niëjs volg euver inkele waeke.