Aan alle optochdeilnimmers,

Ut mottô van 2011 waas: Meijdoon is leuker den kiëke, en det bleek auch, ut waas un sjot in de roës, d'r trok unne fantastische optoch door ôs dröp.

2012 is pas begônne en ut niëje mottô is Weej kleure de vastelaovend un mottô wat auch op ut liëf van van uch deilnimmers gesjreve is, mesjien ziet geej al wir aan un niëje krejaasie bezig of höb geej de ideeje al in de kop zitte.
Gaer nuëdige weej idderein oët um dit jaor wir aan de Belvendse optoch op zôndig 19 fibberwari meij te doon.
Met dit sjrieve sjteure weej un insjriefformulier meij en noteere alves get belangrieke datums en verangeringe.

Klik heej veur uch insjriefformulier

De route blief ongewiezigk: opsjtelle op Sjoëlsjtraot/Muldersplein, Sjoëlsjtraot, Zangksjtraot, Prins Hendrik/Frederiksjtraot, Wilhelminasjtraot, Keuninginneplein, Sjoëlsjtraot, Muldersplein, heej is aansjloetend de priësoëtreiking.
Opgaeve veur d'n optoch ken toët uuterlik zôndig 5 fibberwari beej ein kemmissielid of op de zitting die deezeb daag gehaaje wuërt van 11.00 toet 12.00 oor beej Hotel kefee Juliana deilnimmers die zich later opgaeve doon ônger ein A-nummer meij en kômme neet veurjurering in aanmerking.
Auch dit jaor zulle weej wir nummers op de waeg aanbringe um ut opsjtelle soepel te laote verloupe en de optoch op tiëd te laote vertrekke. Ut verzeuk is den auch um op tiëd te kômme opsjtelle um 13.30 oor en duudelik zichbaar ut deilnimmers nummer te veure, dit is auch veur de jurering mekkelikker.
Vertrek optoch um 14.00 oor.

Ut bezeuk aan de deilnimmers same met prins....??? wille weej dit net as veurgaonde jaore doon op de donderdigaovend, i.v.m. ut drökke prôgramma zien d'r gen angere meugelikheden.
Dit jaor is det op donderdig 9 fibberwari, as geej dit op priës sjtelt zet den ein tillefoonnummer op ut insjriefformulier zoëdet weej ein afsjpraok kenne make.
Deilnimmers die vur vergoedinge in aanmerking kômme kenne toët uuterlik zôndig 4 maart raekeninge indeene beej ein van de kemmissieleeje. Allien orgineele raekeninge dus gen kassabönkes kômme in aanmerking vur oëtbetalinge.

14 jaor lang haet de optochkemmissie einne foto en filmaovend veur de deilnimmers georganiseerd in de beginjaore gecombineerd met de fotoverkaup, dit waas toendertiëd un vraog van de deilnimmers de optoch kwaam neet op de tillevisie, as ut nôw aan ut mottô haet gelaege (Meijdoon is leuker den kiëke) of iets angers mer ut aafgelaope jaor waas un absoluut deeptepunt kwa bezeukers, as kemmissie en in euverlegk met betrokke partieje höbbe hebbe weej den auch besjlaote vanaaf dit jaor genne foto/filmaovend mier te organiseere.
De letste jaore kump umroop Venlo ôzze optoch filme en zende heej ein samevatting van oët. Um beej dees oëtzending  zoë good meugelik commentaar te gaeve höbbe weej gaer zoëvuul meugelik informasie van uch, deilnimmers, oëtlegk mottô, oëgbeelding of angere leuke weijtenswaardigheeje..... zoëdet de versjlaaggaever vuul ken vertelle en de oëtzending ten gooije kûmp, sjrief dees informasie s.v.p. op de achterkangk van ut insjriefformulier.

Veur mier informasie euver bouwplaatse en wage sjtalling kiek den efkes op de site van Stichting Optochhal groët Venlo of klik heej

Haopelik zeen weej ôs alle truuk in de groëte optoch door ut Belhamelriek.

Vur ut opgaeve, deklarere en informasie Dit e-mailadres is beschermd tegen spambots. U heeft Javascript nodig om het te kunnen zien.
John van Wijlick, Veldekesjtraot 42
Eugene Wijnands, Julianasjtraot 29
Danny Wijnands, Sjoëlsjtraot 17

Met vastelaovesgroete,
De optochkemmissie.