Veurzitter: Harald Klijnman
e-mail: Dit e-mail adres is beschermd tegen spambots. U heeft Javascript nodig om het te kunnen zien.

Sjponsoring is in ‘t hededaagse vereinigingslaeve neet miër weg te dinke. Weej as Belhamels probere met ein kleine hônderd leeje de carnaval in ôs Belhamelriëk te Belvend laevendig te haaije, en det is ôs now al miër den 5 x 11 jaor gelök. Basis van ôzze carnaval is toegankelikheid en bereikbaarheid veur idderein, van jônk toët aad, man of vrouw, van jeug toët senior.  Ein fiës veur het ganse gezin en zellufs de prins en het boërebroëdspaar kômme gewoën beej uch oët de sjtraot!  Dit beteikent ônger miër gèn toegangsgelden beej festiviteite, kleine insjriëfgelde beej de optoch en hiël, hiel vuül hendjes van vreejwilligers

Um dit kwalitatief meugelik te make en te haaje, zien weej mede aafhankelik van de beejdrage van sjponsors. Sjponsors zien noodzakelik um net det extraatje miër te kenne bringe aan kwaliteit en meugelikhede. Zoë is ’t meugelik um elk jaor opniej ein eige CD op te nimme en ein eige Belhamelkrant oët te gaeve en auch op langere termiën investeringe in geluid, de optoch, carnavalswage en kleijer te make en zelfs ein bietje opzie te zette veur ’t jubileum jaor.

Ôs huidige sjponsors make ’t same met ôs meugelik um vastelaovend te viëre. Maar d’r zien miërdere vorme um sjponsor te waere.

Geej kent Pakketsjponsor waere. Heej meij ziet geej ’t ganse jaor door sjponsor en kent geej alles van doënbeej met make. Pakkette zien d’r vanaaf diamant, goud, zilver toët brons.

Sjprik uch dit neet aan den is het meugelik um inkel allein sjponsor te waere van de jaorlikse liedjesaovend en de beejbehuurende CD. Vanaaf het Zilver pakket ziët geej automatisch auch liedjessjponsor. ( CD-sjponsor ).

Langs dees meugelikhede, moch geej beide neet wille, den kent geej ôs auch sjteune door ‘t aafnimme van ein advertentie in de Belhamelkrant, waomeij weej de meugelikheid hebbe um ôs eige Belhamelkrant te make. Dees ligge elk jaor beej vuul Belvendse gezinne thoës. Ein krant  wao weej gruüts op zien.

Wilt geej dit al neet, maar toch ein beejdrage levere, den kent geej altiëd nog in sjtilte lid waere van “vriende van de Belhamels”, Ein sjtille sjteun zônger wederzijdse verwachtinge umdet geej net as ôs, Belvend en de Belhamels ein werm hert toe draagt.

Is uch interresse gewek en wilt geej miër weijte?    Miër informasie kent geej ten alle tiëde opvraoge door kontak op te nimme met ôs kemmissie via de link of rechstreeks met ein van ôs kemmissie leeje John Engelen, Rik Boots, Jos Timmermans en Bert Nabben. ( of via Dit e-mail adres is beschermd tegen spambots. U heeft Javascript nodig om het te kunnen zien. )

Immers weej kenne dit neet allein, dao hebbe weej uch sjteun veur nuüdig.

Names de sjponsor kemmissie,

Harald Klijnman.