Op 11 fibberwari 2012 um 11.11 oor is 't wir zoe wied.
'T Groët-Venloos Vastelaovesevenement Vastelaovestoppers haet den zien 3e edisie.

Umdet 't inmiddels alwir dreej jaor geleeje is det dees edissie haet plaats gevonge
hebbe alle Sjtadsdeilvereiniginge gemeind dir wir op te pakke en wir niej laeve
in te blaoze.
Zoë hebbe V.g. D'n Oeles, V.V.G. Jocus, V.g. de Wortelepin, C.V. De Belhamels en
nôw auch as 5e vereiniging De Keieschiéters heejveur greun leech gegaeve.

De organisasie is in gooije heng van dees 5 gezelsjappe wao 'n aparte kemmisie besjtaonde oét
Mark Rietma VZ, Theo Hamakers, Twan Jacobs, Jeroen van den Ham en Bert Nabben Leeje
van veurneumde gezelsjappe verantwaordelik veur is. 'T belaof wir 'n groet sjpektakel te waere.

V.l.n.r.: Bert Nabben (BelHamels), Jeroen van de Ham (Jocus), Mark Rietra Vz. (D'n Oeles)
Theo Hamakers (D'n Oeles), Twan Jacobs (De Wortelepin).

Dees oétveuring zal dezelfde opzet halde as iërdere edisies, namelik de 2 beste jeugliedjes
van iddere deilgemeinte zulle sjtrieje um de haufpriés en det is onger andere 'n optraeje op
de Boétegewoëne boétezitting 2012 in hertje sjtad Venlo.

Dao naevebeej zal de winnaer van dees vastelaovestoppers de derde Giel Aerts trofee, 'n
door Sjer Jacobs vervaardigd bronsbeeldje op sokkel, oétgereik kriege van 't kommitee Giel
Aerts trofee. Giel waas komponis, teksdichter,meziekant en arrangeur van tig Venlose
vastelaovesliedjes. deze trofee meug de winnaer halde en is genne wisseltrofee.

De kemmissie Vastelaovestoppers wil de kômmende jaore 't konsep weijer gaon oétbreide
en 'n podium beeje aan jeugdige vastelaovestalente wie 14 jaor in al zien vorme, zoë-as
buut-zang-of dans. Deze jeugdige verdeene de kans um Groët Venlo te laote geneete van
eur biezôndere talente.

Op 11 fibberwari is Gans Groët Venlo oétgenuedigd um gas te zien in Belvend beej
C.V. De Belhamels in de fi♪szaal van Egidius Janssen aan de Riékswaeg in Belvend.
Idderein is dao van herte welkom.