Lid van Verdeenste Henk Bloemers

 Henk bloemers

 

Ônger toezeend oug van ut hiële Boërebroëlefsgezelsjap is den hiër Henk Bloemers op 21 januari jl. beneump toet Lid van Verdienste van Carnavalsvereiniging “De Belhamels”.

Veurzitter Ron van Zoest memoreerde de vuüle beejdrages die Henk gedeurende 30 jaore aan de Boërebroëlef haet geleverd. Henk en zien vruike Truus maakte in 1987 metein eine goje sjtart as Boërebroëdspaar. In de daorop volgende jaore maakte Henk naodrukkellik deil oët van de Boërebroëlefskemmissie. As lid, maar veural ouch as Hoësmeister. In die rol haet Henk de take good verdeild ônger werkgroepe, vuül Belfeldenaere betrokke beej de Boëre-optoch, de koffietaofel ingerich en neet te vergaete, ’t kiendje kiëke. Ouch woort ut trouwlied hersjreve. Ônger zien leiding greujde ut gezelsjap gesjtaag naor 69 leeje en verliëgde Henk suksesvol de drempel veur jôngere leje. Wae de jeug haet, haet de toekôms waas zien motto.

Henk is al die jaore terzieje gesjtaon en gesjteund door zien vruike Truus die zichzelluf ouch miër den verdeenstellik haet gemak in ut gezelsjap. Same ware zeej altiëd present, tiëdes ut fiëste, maar ouch op de vuüle momente as ut werk verzatte môs waere.

Henk moch ut beej de beneuming behuürende insigne ontvange en Truus woort oëteraard sjtevig in de blûmpkes gezatte.

 

Facebook  YouTube   Twitter