Alleriërs wil ich uch allemaol ut beste winse vur ut nieje jaor. Det ut ein knallend 2012 meug waere.

De fiësdaag zien veurbeej gevlaoge, lekker gezellig met femilie en vriende aete en drinke. En der wuurt auch al good gekeuveld wae det de nieje prins wuurt. Zelluf probeer ich den auch zoë good meugelik meij te sjpeule, maar ich betrap mich zelluf der op det det neet altiëd aeve good lök. Den dinkse waal us, hebbe ze mich door?? Waer ich neet roëd??  Maar volges mich hebbe ze mich nog neet door.

Zelluf bun ich auch erg beniejd wae ut broëdspaar, de jeugprins(es) en de KOW-prins(es) wuurt. En netuurlik of ut drök wuurt beej Giedje. Ich haop ut waal want volges mich is det auch un perfekte lokasie en zoë wiët weg is det netuurlijk auch wir neet.

Ich probeer mich nog efkes kaduuk te haaije, maar veur ich ut  weit zien dees daag auch veurbeej en sjtaon ich veur uch as Belhamelprins 2012

Ut sjpelke is begônne. Net nao mien veurig verheulke begôste de iërste minse in mien umgeving al met prinsraoje. Enigszins verbouwereerd dach ich: nôw al? Gelökkig waas ut allemaol nog neet zoe serieus, maar naomaote de tiëd vorderde en ut richting 11-11 ging woort ut al sjteeds mier.
Det haaijt  in desse volop ut sjpelke môs meijsjpeule en haope desse det goot duis. As geej us wis….

Ich heb ôngertusse mien pak gepas, miene bölles is opgemaete en auch met miene mantel zien ze al bezig. Auch bun ich al in ut bezit van mien sjoon.
Op 11-11 waas ut leuk um alvas vastelaovesmuziek te hure en oëtgedoste minse te zeen. Zeker umdet al die minse neet doorhebbe det ich de prins waer. As geej us wis….

Toch môtte ich en mien vruike ôs nog aaf en toe in de erm kniëpe,
ongeluiflelik:  ich waer prins 2012. As geej us wis…

Met ein lullig sjmoesje woort ich nao ein geheime locasie gelok.
Einmaol dao, woort mich metein verteld det ich waas veurgelaoge en woort mich de vraog gesjteld: Wils dôw de nieje Belhamelprins waere? 
Twiëfele deej ich neet en ich heb metein volmondig “jao” gezag.
De res van ut gesprek waas eigelik eine groëte waas.
Wie ich ging waas det met knikkende kneen en hertsjlaag 200.

Ongeluifelik! Ich waer Prins in 2012.

Toen ich ut mien vruike vertelde kos det ut auch neet geluive.
Op vekansie hebbe weej der euver ligke fantasere.
Wat zulle de vrinde zegke?
Wannier beginne ze met raoje?
Wuurt ut drök beej EJA?
Zal emes ôs door hebbe?

Ongeluifelik! Ich waer Prins in 2012.

Maar ut is nag lang …….