Belaevenisse van de Prins

De iërste beejeinkôms

Inmiddels zól de herfs môtte beginne, maar loupe de temperature allein maar verder op. Dao zulle weinig minse euver klage, zeker nôw ongetwiefeld vuul minse van deze zonnige herfs aan ‘t genete zien. Ich zit op deeze zonnige daag den ouch effe lekker in ‘t zunke dit berichje te sjrieve.

Ich ken uch vertelle det ich de iërste beejeinkoms met de prinsekemmissie achter de ruk heb. Sjtiekem naor ein geheime lokasie gereeje en ouch dao oplette det nemus dich zuut. En volges mich is det waal gelök. We hebbe al vuul doorgesjpraoke, want beej die organisasie kump hiël get kiëke.

Ongertösse hebbe ze mich ouch de waeg naor de sjnieder geweeze en heb ich dao ein sjoën pak oëtgezoch. Zoë krieg ich der sjteeds miër zin in en bön ich al behuurlik aan ‘t aaftelle, nag 3 maond en den weit geej wae ich bön.

 

 

Belhamels en Belhamellinnekes,

Ein paar waeke geleeje kwaam de vors van de Belhamels 's aoves langs gelaupe wie ich toevallig boëte waas. Hae vroog of hae mich effe get kôs vraoge, op zich niks geks, maar op ein of anger manier vulde ich geliëk det dae neet zoëmaar get kwaam vraoge...

Einmaol binne veel hae den ouch geliëk met de deur in hoës en vroog of ich de nieje hoëgheid van 2018 wou waere. Mien hert sjloog ein paar kiër euver en ich sjting te trille op mien bein, maar zei waal direk JAO!!!

 

Wat geit der allemaol gebeure, wie zal idderein reagere, de vriende, femilie en alle Belhamels en Belhamelinnekes. Weej hebben ôs toen maar ein pilske gepak en geproos op eine sjoëne vastelaovend dae vur mich hiël biezonger zal waere.

Dae nach ging der zoëvuul door mich haer det ich nauweliks ein aug toe heb gedaon. Maar wat heb ich der ongeluifelik vuul zin in um same met t boerebroëdspaar met de getuuge, het jeugboerebroëdspaar, de jeugdprins(es) en de KOW prins(es) de kèr te gaon trekke um der ein fantastische vastelaovend van te gaon make.

 

Maar ich zal nag ein paar maond geduld môtte hebbe wies ich op 14 januari eindelijk mien groëte geheim met uch ken deile....

 

Alaaf de Prins van 2018

 

 

Belaevenisse van de nieje prins

In dees rubriek kent geej de belaevenisse laeze van de niëje Prins 2018.

Facebook  YouTube   Twitter