Op zaoterdig 6 fibberwari a.s. zal in gemeinssjapscentrum ”De Hamar” de traditionele sleuteleuverdrach plaats vinge. Börgemeister Bruls van groët-Venlo zal de sjleutel en zien mach vur de kômende vastelaovesdaag euverdrage aan Ziëne Doorluchtige Hoëgheid Prins Bart d’n Iërste. Dit zal gebeure in aanwezigheid van de jeugprins Luc d’n Iërste, K.O.W. prins (es) , Boërebroëdspaar Theo en Marita en Belvense joekskapellen die oëteraard vur de juüste sjtumming zulle zorge. Dees sjleuteloverdrach die um 14.00 oor begint, is vur idderein vreej toegankelik.

Op zôndig 7 fibberwari a.s. zal  ZDH Prins Bart d’n Iërste door de Belhamels fiëstelik waere ingehaold. De daag begint traditioneel um 10.30 oor met de vastelaovesmis in de St.Urbanuskerk. Dees eucharistieviering is vur idderein toegankelik. De viering wuërdt mezikaal opgeloësterd door Vocal Group Ringfield en blaoskapel ”De Hölter Brök”.

Aansjloëtend zulle de veurgangers van de Belvendse vastelaovend fiëstelijk waere ingehaold. De sjtoët vertrekt um 13.00 oor beej ut Koninginneplein wao nao ônger begeleiding van Harmonie Kunst naar Arbeid via de Wilhelminasjtraot, Broeksjtraot en Montfortsjtraot prins Bart afgehaold wuërdt. Vervolgens wir via de Montfortsjtraot, Broeksjtraot, Prins Fredriksjtraot, Prins Hendriksjtraot, Kromme Hook nao de Leygraaf wao Prins Luuk afgehaold wuërdt. Via de Prins Hendriksjtraot en Julianasjtraot geit de sjtoet wir truuk nao ut Koninginneplein.

Naodet hoëgheid Prins Bart d’n Iërste met ziën gevolg de recepsie van Prins Luc d’n Iërste zal hebbe bezoch zal um 17.00 oor in de groëte zaal van gemeensjapshoës de Hamar ziën eige recepsie beginnen. Dit is ein van de hoëgtepunte van de Belvendse vastelaovend. De recepsie wuërdt traditioneel bezoch door diverse carnavalsvereiniginge van boete de Belhamelgrenzen, auch zulle diverse kapellen vur de juüste sjtumming zorge.