Op zôndig 12 fibberwari zal ZDH Prins Tom d'n Iërste door de Belhamels Fiëstelik waere ingehaold.
De daag begint tradioneel um 10.30 met de vastelaovesmis in de St. Urbanuskerk.
De eucharistieviering is vur idderein toegankelik.
De viering wuërd meziekaal opgeloesterd door Vocal Group Ringfield en Blaoskepel "De Hölter Brök".

Aansjloetend zulle de veurgangers van de Belvendse vastelaovend fiëstelik waere ingehaold.
De sjtoet vertrek um 13.00 oor vanaaf ut Koninginneplein waonao onger begeleiding van
Harmonie Kunst naar Arbeid via de Wilhelminasjtraot, Broeksjtraot, Elshoutweg, Lange weg,
en Tuidersweg ZDH Prins Tom d'n iërste aafgehaold wuërd.
Vervolges geit ut wir via de Broeksjtraot, Pr. Frederiksjtraot, Pr. Hendriksjtraot, nao de
Sjoelsjtraot wao Jeug Prinses Ella afgehaold wuërd.
Via de sjoelsjtraot geit ut wir truuk nao ut Koninginneplein.

Naodet ZDH Prins Tom d´n Iërste met zien gevolg de resepsie van Jeug Prinses Ella d´n Iërste
zal hebbe bezoch, zal um 17.00 oor in fiëszaal Giedje zien eige resepsie beginne.
Dit is ein van de hoegtepunte van de Belvendse vastelaovend.
De resepsie wuërd tradioneel bezoch door divers vastelaoves gezelsjappe van boete de
Belhamelgrenze auch zulle de joekskepelle Beejein veur de gein, De Hölter brök en
Och d´n Doedel zulle veur de juuste sjtumming zorge.