Carnavalsvereiniging

De Belhamels

  Jbb_2020_staand.jpg

Levi Withaar en Lily Bloemers, 7de Jeugbroedspaar van Boerebroelef C.V. De Belhamels.

 

Levi, zoon en jóngste telg van Martijn oet Woerden, van Bert van Withaar van Berend Withaar en Elizabeth Hartog oet Nederlands Indië en Barbera van Dorsman van Pieter Dorsman en Sjaan Snoek oet Utrech, aad-bewoeëners van de Veldekestraot in Belvend

EN

van Monique van oppe hei in Tegele, dochter van Pierre van Coort oet ‘t Roeëd Dörp van Piet Coort en Bilke Geraats en van Jeanne van Wolters van de Industriesjtraot oet Tegele van Pierre Wolters en Riet Kleijne.

Lily, dochter van Bart, van Henk van Bloemers van de Zanksjtraot, van Wiel, de witte van Bloemers en van Jo van Tienke oet Belvend, en van Truus van Frans van Thies van de Böts oet Belvend en van An van den Groenendaal Sef uit Beesel.

En van:

Helen van Coen van Voorink, van Coen Voorink, de tandarts oet Blitar, Indonesië, en Thekla van Overweg van de textiel fabriek in Winterswijk, en van Lucy van Heinsbroek, van Piet opperwachtmeister beej de Marechaussee oet Schiedam en van Geertje Jellie van Kobus oet Winterswijk.

Levi en Lily loupe dit Vastelaovesseizoen veurop in de jeugboerebroelef as 't zevende jeugboerebroedspaar van de Belhamels.

Levi is 1x 11 jaor en woeënt same mèt ziene pap, mam en zus Jolie op de Sjoeëlsjtraot. Hae zit in groep 8 van de basissjoel  Kom.mijn beej juf Lieke. In de vreje tied duit hae voetballe beej vvBelfeldia en is hae altied gaer boete same mèt zien kammeräöj. Same mèt zien elders en zuske is hae lid van de Hanewurgers en geit hae al hieël wat jaore mèt de optocht mei.

Lily is 12 jaor en woeënt same mèt zien pap, mam en breurke Xavi ouch op de Sjoeëlsjtraot. Lily zit in Remunj op sjoeël Agora beej meneer Slot. In de vreje tied sjpeult Lily hockey beej THC in Tegele en danst en zingt ’t gaer. Lily is 1 van de jeugboerezengers die altied op de bühne sjtaon mèt ’t oetkómme van ós JBB. Dus bühne ervaring genóg. Same mèt zien elders en breurke al hieël wat jaore beej ós boere femielie.

De vastelaovend is beej allebei mèt de paplaepel ingegaeve dus ’t geit gans good kómme mèt ós JBB 2020!

’t Mót neet gekker waere! Alaaf