Vastelaovend, un traditie die net as in de res van Limburg neet is weg te dingke oët Belvend. Os vastelaoves vereining, „De Belhamels“ trekt al vanaaf 1953 dees kér met hiel veul lol en plezeer!
Idder jaor wuurd d’r unne Hoëgheid oetgeroope, zo’n 4 waeke veurdet ut éch Vastelaovend is. Op een groët Prinsebal wuurd Zijne Doorluchtige Hoëgheid oetgeroope door de Vors.
Naeve de Hoëgheid sjtaon altied 2 dansmerietjes, un traditie die weej gaer in iëre haaje. Dees dames doon det meistal veur un periode va 4 a 5 jaor. Verder zien dr nach angere rolle wie Vors, Sirremoniemeister, Sjaopkes, Narre en de Raod. Un korte toelichting:
– Vors, verantwoordelijk veur ut oetkeeze (saame met de Prinsekemissie) en oetroope van de Prins.
Daobeej nimp de vors ut woord tiedes alle activiteite van de de Prins en ut gevolg.
– Sirremoniemeister, lid van de Prinsekemissie met as belangriekste taak ut protocol bewaake tiedes alle activiteite.
– Dansmrietjes, Sjaopkes en Narre, ceremoniële rolle wat huurt beej de Belvendse vastelaovend, un tradisie die weej hoëg wille haaje.
– Raod, manne en vrouwe die ut gehiël compleet maake. Vergeliekbaar met de raod van Ellef, maar ut is toegesjataon det dit miër den 11 persoëne zien.Heej onger zeet geej de invulling van de rolle, op dit moment 22 persoëne in totaal. Al dees rolle zien gekleid in kostuums die passe beej heur rol.
– Vors: Geert Kurstjens
– Sirremoniemeister: Rob aan de Brugh
– Sjäopkes: Rowy Kessels& Melanie van Wijlick
– Narre: Bas Bloemers & Kaj Greefkens
– Dansmaedjes: Aranka Goossens& Kaela Peeters
– Raod: Maikel Christis, Roger Driessen, Hessel Haga, Toine Houterman, Luc de Maaijer, Jorny Mertens, Ralph Nissen, Dennis op het Veld, Kelly Gielen, John van Wijlick, Sjoerd Crommentuijn, Tim Peeters, Lisanne Hendrix & Djarno Gingter.Tiedes het vastelaovend seizoen gaon weej idder weekend saame op paad, zoewaal binne as boëte Belvend. Dao beej mot geej onger angere dingke aan binne dörpse activiteite, recepties, oetkomme van collega vereinigingenen en sjtadsdeiltreffe.
Auch haaje weej zelluf un receptie veur ozze Prins en waal op de zondaag veuraafgaond aan de Vastelaovend.
Tiedes de 3 dolle daag geijt ozze Hoëgheid, saame met ut Boerebroedspaar, Getuuge en alle jeug hoëghede veurop in de Belvendse vastelaovend!