Op 25 januari is in ’t sjoeëne en gezellige gemeinsjapshoes De Hamar,
Wendy Goossens en Erwin Otoka as ’t 40e boerebroedspaar oetgerope.
Same mèt Rianne Van Doorn-Driessen en Luc van Doorn eur getuge gaon zeej vurop in ózze boerebroelof, same mèt alle angere Belhamels,Belhamelinnekes Boere en Boerinne ónger ’t motto Weej zette Belvend in veur en vlam!
Ós boerebroedspaar haet zich 15 jaor geleje binne vollybalclub Holyoke lieëre kènne en woeëne al 11 jaor op de Montfortsjtraot in Belvend. Allebei hebbe zeej de vastelaovend mèt de paplaepel ingegaote gekrege en make zeej d’r ‘n fieësje van same mèt femielie kammerräöj en bekènde.Zeej zien trotse elders van Tijn en Stas.
Same mèt eur getuge Rianne en Luc zien zeej lid van de optochgroep “ VG dae vogel geit neet op/ in ’t dagelijks laeve ouch waal ‘de Raven’ geneump. En mèt dees club nimme zeej ouch altied deil aan de sjoeëne optoch in Belvend.
In ’t dagelikse laeve is ós bruudje in de voetsjpore van ziene pap getraoje en sjteit ‘t al hieël get jaore veur de klas. Op dit moment is ‘t teamleider baovebouw op Basissjoeël Sint Martinus in ’t Jocusriek. ‘t Sjpeult al hieël get jaore klarinet beej Harmonie Kunst na Arbeid, wao zeej iddere vriedigaovend in twieë helfte meziek mak, maar d’r nao ouch nag ‘nne hieële gezellige derde helf haet. Sins 2017 mak zeej ouch óngerdeil oet van ’t bestjeur van de harmonie.’t Sjport en wandeld mèt vriendinne en is nag sjteeds sjteunend lid van BVC Holyoke
Ózze broedegom is net, nao 7 jaor as sociotherapeut beej de Rooyse Wissel gewèrk te hebbe, van baan geswitcht. Vanaaf januari meug hae zichzelf Senior neume op ‘n besjèrmd woeënelocatie in Velden beej Confidence-Twende.As kink groeëtgebrach en mèt de elders meigegaon mèt de vastelaovend as lid van ‘vv de Kleitrappers’. Zien groeëtste hobby, van de elders, meigekrege, is volleyballen beej BVC Holyoke. Nag altied sjleit hae iddere waek ‘n belke in de zaal. Binne de vereiniging ouch aktief in zake as shirtkemmissie en organisatie van ‘t jeugkamp.
Op vastelaoveszaoterdig 14 fibberwarie waere Wendy en Erwin om 17.11 in de ónech verbónge op ’t Groeët Belvends Binnebal is ós gemeinsjapshoes De Hamar.
Op Vastelaovesdinsdig 17 fibberwarie heb geej de meugelikheid ós broedspaar en eur getuge Rianne en Luc te kómme fillicitere vanaaf 17.00 oor ouch in gemeinsjapshoes de Hamar
Dees resepsie zal gehaje waere same mèt ’t jeugdboerebroedspaar Suus en Siem
