Zóndig 14 januari is Prinses Fenne I in ‘nne gezellige Hamar oetgerope as ieërste prinses van de Belhameljeug! Fenne I trèk dit jaor de kér mèt eur 2 adjudante Yfke en Vere. Daomei zien dit de ieërste adjudante in de historie van de CV De Belhamels.
Prinses Fenne de ieërste geit in Venlo nao college Den Hulster nao Sjoeël. In eure vreje tied sjleit ‘t gaer taege ‘nne volleybal beej BVC Holyoke. Ouch kèn ‘t zien det geej Fenne herkènt as bezörgster van “kakelverse eier”, wao ‘t ein zakcentje mei verdeend.
Adjudant Vere geit in Venlo nao ‘t Valuascollege nao sjoeël. Adjudant Yfke zit in Remung op ‘t Agoracollege. Allebei de adjudanten gaon in eure vreje tied gaer nao de scouting. En zeej zien net as Prinses Fenne I lid van Holyoke.
‘t Ieërste Belhameljeug trio hèlt resepsie op zóndig 4 fibberwarie van 15:00 toet 16.30 oor in Gemeinsjapscentrum De Hamar. Geej ziet heej van herte welkóm.