De jeugkemmissie besjteit oet 4 gekostumeerde leje en 2 neet-gekostumeerde leje. Weej haje ós bezig mèt ’t organisere van de Belhameljeug binne de Belhamels.
Weej wèrve nieje leje en keze ein niej trio en zörge vur alles dao öm haer. Kleier passe vur de hele raod, de kennismakingsaktiviteite, sjponsoraktie enz. Oucht tiedes de vastelaovend is de gekostumeerde kemmissie aanwezig. Weej zien ’t aansjpraekpunt vur de jeug, aevel betrèkke weej ouch ervare jeugleje beej de begeleiding van de nieje groep.
Same bezeuke weej resepsies en aktivitiete in de Hamar, zörge weej vur ’t aete en drinke en netuurlik make weej d’r ein fieësje van.
Aafgeloupe jaor mogte weej ’t ieërste jeugtrio van Belvend oetrope mèt ‘nne kompleet nieje opzet, niej logo en ’n nieje garderope. De Jeug haet gesjtraold op de bühne en in de zaal en weej as kemmissie hebbe mieër den genaote van ‘t ieërste jaor.
De jeug kemmissie besjteit oet de volgende leje:
– Inge Smeets
– Monica Verschuren-Jetten
– Anke Sieben
– Anouk Bloemers
– Michelle van Deur (niet-gekostumeerd)
– Rob Hermans (niet-gekostumeerd)