Belaevenis boer
Ich vóng ‘t gek det ich in de ieërste sjoeëlwaek al metein zoeëlang moch opblieve. Waoröm det det waas woort mich dudelik toen d’r 4 man de hoeskamer binne kwame mèt mien insjchriefformulier in de heng. Zeej vroge of ich d’r nag sjteeds achtersjting. Netuurlik waas mien antwoord JAO! Vanaaf det moment heb ich d’r hieël vuuel zin in. Mien gelök kèn neet mieër op. Oeteindelik bön ich dae aovend mèt eine hieële groeëte glimlach en nao hieël lang dreie in sjlaop gevalle.
Belaevenis bruudje
De zomervakantie waas vurbeej en de sjoeël waas net wir ein paar daag begós. Ich had getraind en zaot daonao nag lekker op de bank te chille. Pap en mam zaote ouch gezellig beej mich op de bank. Ich vóng ’t al ein bietje gek det zeej nag neet zeie det ich nao bed mós, dus ich bleef lekker röstig zitte. Normaal waas ’t allang tied! Óngertösse had mam de veurdeur aope gemak, maar det had ich gaar neet in de gate. Inèns lepe d’r veer minse de woeënkamer binne. Ieërlik, ich waas in sjok. Ze lepe nao mich toe en gaove mich ein blaedje. Det waas ’t blaedje waomei ich mich heb opgegaeve öm bruudje van de jeugboere te kènne waere. Zeej vroge mich of ich det nag sjteeds wól. Door de sjok kós ich op det moment amper get oetbringe. Maar netuurlik waas mien antwoord ‘JAO’.
D’r woort kort verteld wat weej de kómmende tied allemaol ginge daon en wat mich te wachte sjtóng. En alsof det nag neet sjpannend genóg waas, vertelde zeej det ze nao ’t bezeuk aan mich nag nao de broedegom ginge öm ’m te vraoge.
Ich bön netuurlik waal hieël niesjierig wae det zal zien! Dao mót ich nag effkes op wachte.
Toen de veer minse wir weg ware, verdween de sjok en sjpróng ich ein gaat in de lóch! En dit is pas ’t begin!