‘t Wuuert sins kort wir ieërder duuster, langzaam laeve weej op richting de
elfde van de elfde en begint ‘t get te kriebele. In d’n duuster sjting d’r hoeëg
bezeuk beej ós op sjtraot. De hoesmeister die sjnel beej ós nao binne kwaam.
Beej ós binne wuuert de vraog gejsteld of weej mèt ós twieë veurop wille gaon
in de boerefemielie. Lang heuve weej dao echtneet euver nao te dinke. Tuurlijk
wille weej die rol vervulle!
Weej hebbe al kennis meuge make mèt de res van de keuzekemmissie en weej
zien bliej mèt alle kennis die zeej mèt ós hebbe gedeild, waoröm zeej aan ós
gedach hebbe en euver wie de kómmende periode d’r oet geit zeen veur ós.
Wat ‘nne houp informatie en wat ‘n orgenisatie geit dao achter sjuul.
Weej zien gesjpanne wat de kómmende periode geit bringe en haope det ós
sjtraolende snuutjes niks verraoje aan kammeräöj en ós femielie. Dit geheim
haje weej nag efkes beej ós! Weej haope det weej dit sjnel meuge gaon deile
mèt ós getuge. Veur nów deile weej ós verhaol mèt uch! Wies sjnel!
Boerebroedspaar ’24