’t Is alwir efkes geleje det ich de vraog kreeg öm Prins te waere. Det waas op
‘nne heite zomeraovend.
Ich waas op det moment nag gaar neet bezig mèt de Vastelaovend. De vraog
kwaam veur mich den ouch erg ónverwach en ich heb michzelf den ouch nag
dök aafgevraog as dit waal ech gebeurd waas. Ónwerkelik…!
Nów det de vekansie wir vurbeej is begin ich langzaamaan aan ’t idee te wènne.
Ich bön hieël beniejd wie det allemaol sjtraks zól gaon. Wat kump d’r allemaol
beej kieke?
De veurbereidinge gaon beginne…de ieërste gesjprekke mèt de
prinsekemmissie sjtaon gepland..
Ich gaon ein pak oetzeuke, foto’s make…
Weej gaon ’t meimake. Hieël sjpannend aevel ich heb d’r ouch óntzettend
vuuel zin in!
’t Is vur mich ein groeëte ieër öm Prins van ‘t Belhamelriek te waere in 2024!
Euver ‘nne tied laot ich wir get van mich huuere! Wies den!