Waeke hadde weej d’r nów oetgekeke, en eindelik waas ’t zoeëver: De daag van de fotoshoot. Netuurlik mèt vastelaoves meziek! Öm 19.00 oor móste weej ós melde op de geheime lokasie. Vol sjpanning lepe weej nao binne . Dao krege weej ózze mantel, sjteek en kleier. Ieërs móste weej allein op de foto. Daonao ging ich same mèt de anger adjudant op de foto en oeteindelik mèt z’n dreje. D’r woorte foto’s mèt ballonne en confetti gemak.
’t Waas ein leuke ervaring en weej kènne neet wachte wies ’t eindelik zoeëwied is!
Wat had ich heej lang nao oetgekeke en opèns waas dao de aovend van de fotoshoot. Dit waas ‘nne hieële leuke, maar ouch sjpannende aovend. Vol mèt zenuwe ging ich dao nao toe. Ich wis neet wat mich te wachte sjtóng. De fotograve hebbe ’t tof gedaon, Zeej hadde leuke ideeë vur de foto’s. Mèt leuke meziek op de achtergrónk hebbe weej hard mótte wèrke en enorm mótte lachte öm de gekke aktie foto’s die van ós dreej gemak woorte. Ich heb enorm van dees aovend genaote.
Prins(es):
Op ‘nne door de waekse aovend waas de fotoshoot mèt ’t Jeugtrio. Same mèt mien adjudante móste weej op ’n onbekènde lokasie beej elkaar kómme. Dao sjtónge twieë fotograve klaor. As ieërste móste weej ós aankleie, dit waas de ieërste kieër det weej de sjteek, mantel en scepter beej ós kleier aanhadde. ‘t Waas hieël vet öm idderein zoeë te zeen en nu veult ’t waal wir ech! Ieërs woorte weej allemaol apart op de foto gezatte en daonao mèt z’n dreje. D’r woorte ech hieël vuuel foto’s gemak. Nao de pauze woorte d’r foto’s gemakt mèt confetti. Ich vóng ’t ech tof en ich heb nów nag mieër zin in de vastelaovend!