Prins(es)
’t Leek lang, aevel opèns waas de geplande dag van de fotshoot dao. Weej hadde aafgesjpraoke op
de geheime lokasie. Einmaol binne zoge weej de 3 mantels hange, nów woort ‘t ech! Weej hebbe ós
pak aangetrókke en vervolges krege weej de sjteek op en de mantel öm. Ich prins(ses) mog as ieërste
op de foto. Hieël get foto’s later moogte mien adjudante ouch op de foto. D’r woort hieël get aaf
gelachen. Op de achtergrónk waas netuurlik de vastelaovesmeziek. Weej sjlote de fotoshoot aaf mèt
ein polonaise en ein echte vastelaovessjnoet!
Adjudant 1:
Weej kwame beej elkaar op ein geheime lokasie en daonao ginge weej nao de fotolokasie. ‘t Waas
vur ós aller dree behuuerlik sjpannend. De pakke woorte aangetrókke en toen hadde weej vur ’t ieërs
de mantel öm en de sjteke op. Euver ‘n dieke waek sjtaon weej ouch zoeë op de bühne! Honderd en
ein foto’s woorte d’r gemak. Allerlei houdinge móste weej aannimme. ‘t Make van dees foto’s waas
gewuuen supertof.
Adjudant 2:
Det waas ’t den. Wir ein leuke ervaring d’rbeej. Hieël gezellig zoeë mèt ós dree. Erg grappig wie weej
op ’t eind van de fotoshoot, zoeëas beej ‘t sjloete, de sjteke dwars móste zette. ‘t Veulde bienao as
of de vastelaovend al begós waas. Weej hebbe d’r hieël vuuel zin in.