Belaevenis Belhameljeug

Op ‘nne doordewaekse daag ginge weej alledreej, zónger det weej det van mekaar wiste, nao ‘n geheime lokasie. Weej kwame ein veur ein binne. Beej binnekóms woort ós gevraog of weej wiste wat weej kwame doon. Twieë van ós wiste ‘t óngevier, maar eine neet. Weej woorte allemaol nao ‘n aparte ruumte gebrach en dao móste weej sjtil zien en wachte wies det idderein d’r waas. Nao lang wachte kwame ze ós haole en krege weej ‘ne blinddook öm. Weej woorte begeleid nao de plaats wao bekénd gemak zól waere mèt wae weej ein trio zólle zien. D’r woort truuk geteld van 5 nao 0. Óngertössse ging ózze hertslaag tekier! Beej 0 deje weej de blinddeuk aaf en zoge weej mekaar. Weej ware allemaol hieëlemaol perplex en wiste neet wat weej móste zègge. Dit hadde weej alledreej neet verwach! Wat gaaf öm mèt z’n dreje vurop te meuge gaon dees vastelaovend! Daonao kwaam de vraog wae prins/prinses zou waere. Weej weze allemaal geliek naoeine persoeën en weej bleke ouch nag geliek te hebbe! Heej hebbe weej allein maar van kènne druime! Dit wuuret ‘nne hieële sjoeëne vastelaovend!

Vasteloavend, wie now en vreuger gaas op dae zuuger!
Groetjes uch jeugdtrio 2027

Home » Belaevenis Belhameljeug