‘t Waas ‘nne sjoeëne zomeraovend, de zon ging ónger en ich sjting op ‘t punt öm ónger de douche te sjpringe. Toen ging plots de deurbel. Wae kèn det zoeë laat op de aovend nag zien?!
Verrek, ich zoog ‘n bekènd gezich sjtaon! En mei det ich det dach, realiseerde ich ‘t mich… ‘t zól toch neet?
Vol zenuwe, maar hieël enthousiast leet ich öm binne… as of ‘t Sinterklaos waas! En jao huuer, ich kreeg de heugelikke vraog of ich de nieje hoeëgheid van de Belhamels zól wille waere! ‘nne dieke vette jao en dao begós ‘t avontuur!