1e belaevenis jeugtrio Belhameljeug
Beste belhamels en belhamelinnekes,
1 oktoeber waas d’n daag det weej te huuere krege det weej in ’t trio zitte. Weej vertrókke thoes zónger te weite wat weej ginge doon. Weej móste alle dreej op ‘n anger tiedsjtip nao ‘n geheime lokatie kómme, twieë van de dreej móste in ‘en hok zitte zoëdet weej elkaar neet kóste zeen. De hoeëgheid had al ‘n vermoede wat weej op de lokatie ginge doon, de twieë adjudante dachte dat ’t ‘n informatie aovend waas.
Toen weej d’r alle dreej ware, krege weej ‘nne hankdook vur ózze ouge en kwame weej alle dreej öm de beurt nao dezelfde ruumte. De kemmissie begós aaf te telle van elf nao nul en toen mogte weej de hankdeuk vur ós ouge weg doon. Weej keke elkaar aan en ware sjpraokeloos. Nao elkaar ein paar kieër aangekeke te hebbe, besefte weej pas ech wat d’r aan de hank waas. Weej gove elkaar ‘nne knuffel en besefte ’t nag neet hieëlemaol. Weej móste mèt zien dreje langs elkaar gaon sjtaon en krege ózze sjteek op. Weej móste rójje wae van de dreej de hoeëgheid is. Weej kóste neet zeen wat ’t versjil waas in de sjteke. Toen krege weej te huuere wae welke rol had. En daonao ginge weej zitte en krege weej allemaol informatie euver de kómmende vastelaoves waeke: kleier, kerk, programma , algemeine info etc. Toen ginge weej de sjteke passe, de eine had ‘nne te dieke kop de anger wir te dun. De sjteke wèrkte ouch neet ech mei. Nao det alles ginge weej nao boete, hieëlemaol bliej en gelökkig det weej mèt zien dreje ware. Vurdet weej nao hoes ginge sjtopte weej nag hieël efkes beej de McDonalds!
Alaaf,
Trio van de Belhamel jeug,
1e belaevenis JBB
De vraog aan ’t jeug boerebroedspaar… op ‘nne aovend in september toen ich op de bank televisie aan ’t kieke waas same mèt pap en mam kwame d’r 4 minse via de achterdeur binne. Ich dach wat is dit!? Dees veer minse vroge aan mich of ich wis waoveur ze langs kwame. En ich antwoorde, jao det weit ich waal ……., de vraog woort den ouch sjnel gesjteld wils dich ouch bruudje zien? Wao op ich metein jao zei! Daonao waas ich hieëlemaol in sjok…..dit is ein VET geheim.
Later op de aovond en inkele sjtraote verder….
Ich loog op de bank en mós persé ‘n joggingsboks aan haje, en mog langer opblieve. Inéns kwame d’r 4 minse via de achterdeur binne. Ich besefte nag neet det dit vur mich waas.… Maar binne ein aantal minute waas ‘t dudelik. Ich woort gevraog of ich de broedegom wól waere. Ich ziei netuurlik metein JAO. Ich heb waal 10 minute op de bank gesjprónge en waas hieël bliej.