Boerebroelefgezelsjap

  • ‘t Boerebroelefgezelsjap van carnavalsvereiniging De Belhamels besjteit oet zoeëget 76 persoeëne.

    Idder jaor wuuert oet de Belvendse gemeinsjap ‘n boerebroedspaar gekaoze. Tiedes ‘t sjpruutjesmatinee wuuert ‘t nieje broedspaar en eur getuge veurgesjteld aan de Belvendse vastelaovesvierders.

    Sinds ‘n aantal jaor wuuert ós boerebroedspaar op vastelaoveszaoterdig, tiedens ’t Groeët-Belvends-Binne-Bal, in de ónech verbónge. Op vastelaovesdinsdig is de resepsie öm ‘t broedspaar en eur getuge te kómme fillicitere.

    Idder jaor kriege alle leje oet ‘t gezelsjap ‘n nieje rol. Dees rol vertolke zeej tiedes alle activiteiten wao ‘t boerebroelefgezelsjap beej betrókke is. Ouch kènt ‘t gezelsjap ein paar vaste rolle zoeë as de hoesmeister, börgemeister,Sirremoniemeister en de veldwachters.

    ‘t Jaorlikse programma van de boerebroelef löp van ‘t oetrope van ‘t boerebroedspaar wies aswoensdig. De boerebroelefsleje gaon gekleid in kleier die passe beej eur rol.

Home » Vastelaovend ‘23/’24 » Boerebroedspaar » Boerebroelefgezelsjap